English version

Wirdeīnai per autōmatiskan peisāsnas izbandāsnan

Wirdeīns aktualizītan en 2016-10-10

En prēipalu ainuntan prōblaman sen instalīsnan, peisāis na adressin: nertiks@prusai.org

Wirdeīns per Mozilla Thunderbird

Instalīsnas instrukciōni

Aktualizīsnas instrukciōni

  • Enskattinais Mozzila Thunderbird be jaīs en: Tools>Add-ons.
  • Prei Prūsiskas wirdeīns gnetteis Uninstall
  • Gnetteis knuppan Install.
  • Jaīs en fōlderin kwei assei enpeisāwuns/wusi izkraūtan zūrbrukin. Etrīnkais šin zūrbrukin be gnetteis Open.
  • En tikkušasmu langstan gnetteis Install Now.
  • En palikkušasmu langstan gnetteis Restart Thunderbird kai wangīnlai aktualizaciōnin.

Wirdeīns per Mozilla Firefox (Linux)

Instalīsnas instrukciōni

  • Izkraūneis zūrbrukins: prg.aff, prg.dic be enpeisāis dins en swajasmu kōmputerin.
  • Aupallais fōlderin sen hunspell wirdeīnans. Sta ast drūwiminai /usr/share/hunspell/.
  • Jaīs en fōlderin kwei assei enpeisāwuns/wusi izkraūtans zūrbrukins be enkraūneis dins en hunspellas fōlderin sen kumāndan:
    sudo cp prg.* /usr/share/hunspell/
  • Aupallais fōlderin sen myspell wirdeīnans. Sta ast drūwiminai /usr/share/myspell/dicts/.
  • Segēis en šismu fōlderin simbōliskans sāitans prei zūrbrukins prg.dic, prg.aff sen stan subbans emnins sen kumāndans:
    sudo ln -s /usr/share/hunspell/prg.aff /usr/share/myspell/dicts/prg.aff
    sudo ln -s /usr/share/hunspell/prg.dic /usr/share/myspell/dicts/prg.dic
  • Enskattinais Firefoxan. En laūku kwēi mazīngi peisātun gnetteis tikran pellis knuppan be rīnkais check spelling. Ripīntei etkūmps gnetteis tikran pellis knuppan. Teinū en menu turīlai būtwei widātan Languages. Jaīs stwen en billas listin be etrīnkais prg. Ezteinū autōmatiska peisāsnas izbandasnā ast enklaūtan.

Aktualizīsnas instrukciōni

  • En fōldeŗu /usr/share/hunspell/ pertreppais delīkan stēisan zūrbrukin prg.dic, prg.aff sen nawwaisins wersiōnins
  • Restartīs Firefoxan

Wirdeīns per Mozilla Firefox (Windows)

Instalīsnas instrukciōni

  • Izkraūneis zūrbrukins: prg.aff, prg.dic be enpeisāis dins en swajasmu kōmputerin.
  • Kōpis enpeisātans zūrbrukins en fōlderin Program Files\Mozilla Firefox\dictionaries
  • Enskattinais Firefoxan. En laūku kwēi mazīngi peisātun gnetteis tikran pellis knuppan be etrīnkais check spelling. Ripīntei etkūmps gnetteis tikran pellis knuppan. Teinū en menu turīlai būtwei widātan Languages. Jaīs stwen en billas listin be etrīnkais prg. Ezteinū autōmatiska peisāsnas izbandasnā ast enklaūtan. Wargāi peisātai wirdāi wīrst būwusis paglaubātan. Gnettintei na paglaubātan wīrdan sen tikran pellis knuppan ast mazīngi widātun nadāsnans stēisan tikrōmiskan wīrdan iz wirdeīnan.

Aktualizīsnas instrukciōni

  • En fōldeŗu C:\Program Files\Mozilla Firefox\dictionaries pertreppais delīkan stēisan zūrbrukin prg.dic, prg.aff sen nawwaisins wersiōnins
  • Restartīs Firefoxan

Wirdeīns per Internet Explorer (Windows) sen Speckie Add-on

Tebbei prawerru turītun Speckie Add-on instalītan. Ik Tu ni turri di, izkraūneis di izšandau, instalīs be restartīs IE.

Wirdeīnas instalīsnas instrukciōni

  • Izkraūneis zūrbrukins: prg.aff, prg.dic be enpeisāis dins en swajasmu kōmputerin.
  • Kōpis enpeisātans zūrbrukins en fōlderin C:\Documents and Settings\User\Application Data\Speckie\Dicts. Mazīngi wīrst di būwus prawerīngi kitawidīntun User na tikrōmiskan tērpautajas pabilīsnan en sistēmu
  • Enskattinais IE. Etrīnkais Tools>Speckie Settings Stwen nawwai instalīts wirdeīns wīrst tikkuns šlāit pabilīsnan. Pazentlis pippelkan prei tennan be etzentlis laūkans prei kittans wirdeīnans. Segēis Apply
  • En laūku kwēi mazīngi peisātun peisāis prūsiskan tekstan be gnetteis tikran pellis knuppan be rīnkais check spelling. Wargāi peisātai wirdāi wīrst būwusis paglaubātan. Gnettintei na paglaubātan wīrdan sen tikran pellis knuppan ast mazīngi widātun nadāsnans stēisan tikrōmiskan wīrdan iz wirdeīnan.

Aktualizīsnas instrukciōni

  • En fōldeŗu C:\Documents and Settings\User\Application Data\Speckie\Dicts pertreppais delīkan stēisan zūrbrukin prg.dic, prg.aff sen nawwaisins wersiōnins
  • Restartīs IE

Wirdeīns per OpenOffice/LibreOffice (Linux)

Grāudu, šai editōrai turri swajjan enkōmpilitan listin stēisan billin. Ni ast mazīngi turītun stwen billin Prūsiskan anga prg. Kāi turīlai prūsiskan billin, prawerru biskin wīngrautwei. Wīrstmai turīwusis prūsiskan pa emni kitses billin.

Instalīsnas instrukciōni

  • Etrīnkais aīnan iz billins, kawīdans tu turri instalītan en OOffice/Loffice, adder kawīdan tu ni tērpaui (ik nisātaui stawīda, instalīs). Stwi per perwaidīnsnan wīrst di būwus English(Australia)
  • Tu turri turītun zūrbrukins prg.aff, prg.dic enpeisātan en fōldeŗu /usr/share/hunspell (dirēis malkans en instrukciōnei per Firefox (Linux))
  • Jaīs en fōlderin /usr/share/hunspell/ be stwen pertreppais delīkan stēisan zūrbrukin en_AU.dic, en_AU.aff sen simbōliskans autengīnsenins prei zūrbrukins prg.dic, prg.aff izwakīntei kumāndans:
    sudo ln -s prg.dic en_AU.dic
    sudo ln -s prg.aff en_AU.aff
  • Enskattinais editōran. Jaīs en Tools>Language>For all text>More. Stwen mazīngi etrīnktun auprestaminan billin per dōkumentin (en areālu Default languages for documents). Etrīnkais English (Australia). Ik tu kwaitēi, kai prūsiskan būlai auprestamina bilā per eraīnan nawwan dōkumentin, etzentlis laūkan For the current document only.
  • En menu Tools>Language> tu mazzi etrīnktun prūsiskan (pa emni English (Australia)) dīgi per aīnan paragrāfan anga pazentlisnan.

Aktualizīsnas instrukciōni

Wirdeīns en gedit (Linux)

Instalīsnas instrukciōni

  • Instalīs wirdeīnan en hunspell be myspell kāigi prei wirdeīnas instalīsnan en Firefoxu
  • Etwerreis gedit. Jaīš prei Tools > SetLanguage. Prūsiskan wīrst būwusi widātan na listin kāigi Unknown(prg). Etrīnkais di. En menu Tools pazentlis laūkan prei Automatic check spelling. Ezteinū nitikrōmiskai peisātai wirdāi wīŗst būwusis paglaubātan. Gnetīntei tikrōmin pellis knuppan na wīrdan be etrīnkantei Spelling suggestions mazīngi gaūtun nadāsnans stēisan tikrōmiskan wīrdan.

    Aktualizīsnas instrukciōni

    Enkraūneis nawwans wersiōnins stēisan zūrbrukin prg.dic be prg.aff en fōlderin /usr/share/hunspell/ be restartīs gedit.